સલમાનની ફિલ્મ મળતા હવે દિશા ટોપ સ્ટારમાં છે

સલમાન સાથે કિક-૨ ફિલ્મમાં કામ કરે તેવી સંભાવના
By: admin   PUBLISHED: Tue, 07 May 2019 15:31:35 +0530 | UPDATED: Tue, 07 May 2019 15:31:35 +0530

સલમાન બાદ અન્ય ટોપ સ્ટાર સાથે ફિલ્મ મળશે

બોલિવુડમાં આશાસ્પદ સ્ટાર તરીકે ઉભરેલી અભિનેત્રી દિશા પટની  લોકપ્રિય સ્ટાર અભિનેત્રીની યાદીમાં સામેલ થઇ રહી છે. તેને સલમાન ખાન સાથેની ભારત ફિલ્મ પણ મળી ગઇ છે.  આ ફિલ્મના ગીતની હાલમાં ધુમ જોવા મળી રહી છે. સલમાન અને દિશા પરના ગીત સ્લો મોશનને રજૂ કરવામાં આવ્યા બાદ તેની ચારેબાજુ ચર્ચા છે.

એવુ જાણવા મળ્યુ છે કે આ ફિલ્મ બાદ તે સલમાનની કિક-૨ ફિલ્મમાં પણ મુખ્ય અભિનેત્રી તરીકે કામ કરી શકે છે. તમામને સલમાન અને દિશા વચ્ચેની કેમિસ્ટ્રી જોરદાર રીતે ગીતમાં પસંદ પડી રહી છે. ભારત ફિલ્મમાં કામ કર્યા બાદ તેને વધુ મોટી ફિલ્મ હાથ લાગે તેવી શક્યતા છે.  ઉભરતી સ્ટાર દિશા પટનીની પણ પસંદગી કરવામાં આવ્યા બાદ તેની ચર્ચા હતી. 

સલમાન ખાન જેવા સુપરસ્ટાર સાથે ફિલ્મ મળ્યા બાદ તે ભારે ખુશ દેખાઇ રહી છે. તેની બાગી-૨ ફિલ્મ બોક્સ ઓફિસ પર સુપરહિટ સાબિત થઇ હતી. ધોનીની લાઇફ પર બનેલી ફિલ્મમાં પણ તે નજરે પડી હતી. તેની પાસે સારા સારા પ્રોજેક્ટ આવી રહ્યા છે. સલમાન ખાનની મોટી ફિલ્મ હાથ લાગ્યા બાદ તે ભારે ખુશખુશાલ દેખાય છે.

સલમાન ખાનના પ્રોડક્શન હેઠળ જ આ ફિલ્મ બનાવવામાં આવી રહી છે. ફિલ્મમાં અન્ય કેટલાક મોટા સ્ટારની પસંદગી પણ કરવામાં આવનાર છે. ભારત ફિલ્મમાં રોલ મેળવી લેવા માટે શ્રદ્ધા કપુરે પણ તમામ તાકાત લગાવી હતી જો કે તેને સફળતા મળી નથી. બાગી-૨ ફિલ્મ બાદ દિશા પાસે હાલમાં કોઇ ફિલ્મ ન હતી જેથી તેની પસંદગી કરી લેવામાં આવી હતી.  સલમાન ખાનના સૌથી મોટા પ્રોજેક્ટ તરીકે આને ગણવામાં આવે છે. ફિલ્મમાં ભારતના ૭૦ વર્ષના ઇતિહાસનો ઉલ્લેખ કરવામાં આવનાર છે.

Post Your Comment

Your Comments

Online Poll

Yes
No

Copyright © 2017 News of Gujarat | Design & Developed By Seawind Solution Pvt. Ltd.