મધુર ભંડારકરની ફિલ્મમાં શાહરૂખ પોલીસના રોલમાં

ઇન્સ્પેક્ટર ગાલિબ નામની ફિલ્મમાં શાહરૂખ ખાન રહેશે
By: admin   PUBLISHED: Wed, 08 May 2019 16:14:09 +0530 | UPDATED: Wed, 08 May 2019 16:14:09 +0530

રાકેશ શર્માની બાયોપિક ફિલ્મ શાહરૂખે છોડી

છેલ્લા કેટલાક સમયથી એવા અહેવાલ આવી રહ્યા છે કે શાહરૂખ ખાન રાકેશ શર્માની બાયપિક ફિલ્મમાં કામ કરનાર નથી. મળેલી માહિતી મુજબ  શાહરૂખ ખાને સારે જહાં સે અચ્છા નામની ફિલ્મ છોડી દીધી છે. જો કે ફિલ્મના રાઇટરે આ અહેવાલોને રદિયો આપ્યો છે. જો કે હજુ સુધી ફિલ્મને લઇને કોઇ નવો ખુલાસો કરવામાં આવ્યો નથી. કોઇ સ્પષ્ટતા કરવામાં ન આવતા શંકા વધી રહી છે.

હવે એવા અહેવાલ આવી રહ્યા છે કે શાહરૂખ ખાન પ્રથમ વખત પોલીસ અધિકારીની ભૂમિકા અદા કરનાર છે. ફિલ્મ મધુર ભંડારકર બનાવવા જઇ રહ્યા છે. મિડિયા રિપોર્ટ પર વિશ્વાસ કરવામાં આવે તો આ ફિલ્મ પોલીસ પર આધારિત રહેનાર છે. ઇન્સ્પેક્ટર ગાલિબ નામની ફિલ્મ બનાવવામાં આવી રહી છે. જે દેશમાં થતા માઠી ખાણ પ્રવૃતિ પર આધારિત ફિલ્મ છે. તે માફિયા સામે જંગ ખેલતો નજરે પડનાર છે.

મધુર ભંડારકરની નવી ફિલ્મ અન્ય ફિલ્મ સિમ્બા અથવા તો સિંઘમ જેવી રહેશે નહીં. જો કે થોડીક સિરિયસ ફિલ્મ રહેનાર છે. અલબત્ત શાહરૂખ ખાન મહેમાન તરીકે પોલીસના રોલમાં નજરે પડી ચુક્યો છે. તાજેતરમાં જ મુંબઇ પોલીસના કાર્યક્રમ ઉમંગમાં શાહરૂખ ખાને પોલીસની ભૂમિકા અદા કરવાની ઇચ્છા વ્યક્ત કરી હતી.

તેનુ કહેવુ છે કે તે પોતાની લાંબી ફિલ્મી કેરિયરમાં ક્યારેય પોલીસના રોલમાં દેખાયો નથી. જેથી તે પોલીસના રોલ કરવાની ઇચ્છા છે. બીજી બાજુ રણબીર કપુરે કહ્યુ છે કે જ્યારે શાહરૂખ ખાનને પોલીસનો રોલ મળે ત્યારે તે તેમની સાથે કોન્સ્ટેબલની ભૂમિકા અદા કરવા માટે ઇચ્છુક છે.  હવે લાગે છે કે શાહરૂખ ખાનની પોલીસની ભૂમિકા અદા કરવાની ઇચ્છા ટુંક સમયમાં જ પૂર્ણ થનાર છે. શુટિંગ અને અભિનેત્રીને લઇને હાલમાં કોઇ વાત કરવામાં આવી નથી.

Post Your Comment

Your Comments

Online Poll

Yes
No

Copyright © 2017 News of Gujarat | Design & Developed By Seawind Solution Pvt. Ltd.