IND VS AUS :પહેલ વન ડેમાં ભારતની ઝટકો,હાર્દિક-રાહુલ થયા સસપેન્ડ

ટીવી શોમાં મહિલા માટે કમેન્ટ કરવા બદલ હાર્દિક રાહુલ સસપેન્ડ થયા છે.
By: Monika Vyas   PUBLISHED: Fri, 11 Jan 2019 19:38:21 +0530 | UPDATED: Fri, 11 Jan 2019 19:51:54 +0530


મુંબઇ

ભારત અને ઓસ્ટ્રેલિયા વચ્ચે હવે વનડે મેચોની શ્રેણીની શરૂઆત થઇ રહી છે. જે પૈકીની પ્રથમ મેચ શનિવારે સિડની ક્રિકેટ ગ્રાઉન્ડ ખાતે રમાનાર છે.જો વરસાદ અને ખરાબ હવામાન વિલન નહીં બને તો મેચ ખુબ જ રોમાંચક રહેશે. ૭૦ વર્ષના લાંબા ગાળા બાદ વિરાટ કોહલીના નેતૃત્વમાં ભારતીય ટીમે હાલમાં જ ટેસ્ટ શ્રેણી ઓસ્ટ્રેલિયામાં જીતી લીધા બાદ હવે વનડે શ્રેણી પણ જીતવા માટે તૈયાર છે.


જો કે પહેલી વન-ડે શરૂ થતાં પહેલા જ ટીમ ઇન્ડિયાને ઝટકો લાગ્યો છે.ભારતની ટીમના સ્ટાર પ્લેયર્સ હાર્દિક પંડ્યા અને ઓપનર કેએલ રાહુલને સસપેન્ડ કરી દેવામાં આવ્યા છે.ટીવી શોમાં હાર્દિક અને કેએલ રાહુલે મહિલાઓને કેટલીક અયોગ્ય ટીપ્પણીઓ કરતાં બંને પ્લેયરો વનડે શ્રેણી ગુમાવશે.જો કે બંને કેટલી મેચો માટે સસપેન્ડ કરવામાં આવ્યા છે તે હજુ બીસીસીઆઇ તરફથી કહેવામાં નથી આવ્યું.


કમિટી ઓફ એડમીનીસ્ટ્રેશનના સભ્ય ડાયેના એડલજીના સ્ટેટમેન્ટ પ્રમાણે લીગલ ઓપીનીયન લીધા બાદ બંને પ્લેયરોને બીજી કોઇ કાર્યવાહી કરવામાં ના આવે ત્યાં સુધી સસપેન્શનમાં મુકવા માટે ભલામણ કરવામાં આવી છે.


કમિટીની ભલામણ પછી બીસીસીઆઇએ બંને ક્રિકેટરોની પત્ર લખીને તેમના સસપેન્શનની જાણ કરી છે.બીસીસીઆઇએ હાર્દિક અને રાહુલને તાત્કાલિક અસરથી તમામ ફોરમેટની મેચો રમવા માટે સસપેન્ડ કર્યા હતા.


આ અગાઉ મહિલાઓ સાથે અભદ્ર વર્તન કરવા બદલ બીસીસીઆઇના સીઇઓ રાહુલ ચૌધરીની હકાલપટ્ટી કરવામાં આવી હતી.


વન ડે માટે ટીમ ઇન્ડિયા કેટલાક ફેરફાર કરવામાં આવી ચુક્યા છે. પૂર્વ કેપ્ટન મહેન્દ્ર સિંહ ધોની અને રોહિત શર્માની ટીમમાં વાપસી થઇ ગઇ છે.


પ્રથમ મેચ આવતીકાલે રમાઇ ગયા બાદ બીજી મેચ ૧૫મી જાન્યુઆરીના દિવસે એડિલેડ ખાતે રમાશે. જ્યારે ત્રીજી અને અંતિમ વનડે મેચ ૧૮મી જાન્યુઆરીના દિવસે મેલબોર્નમાં રમાનાર છે. શાનદાર ફોર્મમાં ચાલી રહેલા જસપ્રિત બુમરાહને ઓસ્ટ્રેલિયાની સામે રમાનારી વનડે શ્રેણી અને ત્યારબાદ ન્યુઝીલેન્ડના પ્રવાસમાં રમાનારી મેચ માટે આરામ આપવાનો નિર્ણય કરવામાં આવ્યો છે.


 બુમરાહે હાલમાં જ ઓસ્ટ્રેલિયા સામે ચાર ટેસ્ટ મેચોની શ્રેણીમાં ૨૧ વિકેટ ઝડપીને ચાવીરુપ ભૂમિકા ભજવી હતી. ભારતે આ શ્રેણી ૨-૧થી જીતી લીધી હતી. ઓસ્ટ્રેલિયાની સામે ઘરઆંગણેની શ્રેણી પહેલા પુરતા આરામ આપવાના હેતુસર આ નિર્ણય કરાયો હોવાનો દાવો બીસીસીઆઈ દ્વારા કરાયો છે.ઓસ્ટ્રેલિયા સામેની વનડે શ્રેણીમાં  પંજાબના ઝડપી બોલર સિદ્ધાર્થ કૌલને હવે ટીમમાં સામેલ કરવામાં આવ્યો છે જ્યારે બુમરાહની જગ્યાએ મોહમ્મદ સિરાજને સામેલ કરાયો છે.  ધોની ઉપરાંત એશિયા કપમાં ઇજાગ્રસ્ત થયા બાદ ટીમની બહાર થયેલા હાર્દિક પંડ્યા અને મોહમ્મદ સામીને પણ ફરી સામેલ કરવામાં આવ્યા છે. ડે નાઇટ વનડે મેચ હોવાથી ચાહકો ભારે રોમાંચિત છે. બંને ટીમો નીચે મુજબ છે.


ઓસ્ટ્રેલિયા : ફિન્ચ (કેપ્ટન), બેહરેનડોર્ફ, કેરી, હેન્ડ્‌સકોંબ, ખ્વાજા, લિયોન, માર્શ, શોન માર્શ, મેક્સવેલ, રિચર્ડસન, શિડલ, સ્ટેઇનલેક, સ્ટેનોઇઝ, ઝંપા

ભારત :  વિરાટ કોહલી (કેપ્ટન ), રોહિત શર્મા, યુજવેન્દ્ર, શિખર ધવન, એમએસ ધોની, રવિન્દ્ર જાડેજા, કેદાર જાદવ, દિનેશ કાર્તિક, ભુવનેશ્વર કુમાર, કુલદીપ યાદવ, મોહમ્મદ સામી, હાર્દિક પંડ્યા, લોકેશ રાહુલ. ખલીલ અહેમદ

 

ભારત અને ઓસ્ટ્રેલિયા વચ્ચે આવતીકાલથી હવે ત્રણ વનડે મેચોની શ્રેણીની શરૂઆત થઇ રહી છે. જે પૈકીની પ્રથમ મેચ આવતીકાલે સિડની ક્રિકેટ ગ્રાઉન્ડ ખાતે રમાનાર છે. ઓસ્ટ્રેલિયામાં વર્તમાન શ્રેણીની મેચોના પરિણામ નીચે મુજબ છે.

¨              પ્રથમ ટ્‌વેન્ટી મેચમાં ઓસ્ટ્રેલિયાએ ચાર રને જીત મેળવી

¨              બીજી ટ્‌વેન્ટી મેચમાં કોઇ પરિણામ આવ્યુ ન હતુ

¨              ત્રીજી ટ્‌વેન્ટી મેચમાં ભારતે છ વિકેટે જીત મેળવી હતી

¨              પ્રથમ ટેસ્ટ એડિલેડમાં રમાઈ હતી જેમાં ભારતે ૩૧ રને જીત મેળવી લીધી હતી

¨              બીજી ટેસ્ટ પર્થમાં રમાઈ હતી જેમાં યજમાન ઓસ્ટ્રેલિયાએ વાપસી કરીને ભારત ઉપર ૧૪૬ રને            જીત મેળવી હતી

¨              મેલબોર્નમાં રમાયેલી ત્રીજી ટેસ્ટ મેચમાં ભારતમાં જીત મેળવી લીધી હતી

¨              સિડનીમાં રમાયેલી ચોથી ટેસ્ટ મેચ ડ્રો જાહેર થઇ છે.

Post Your Comment

Your Comments

Online Poll

Yes
No

Copyright © 2017 News of Gujarat | Design & Developed By Seawind Solution Pvt. Ltd.