સરકારના બધા જ વિભાગો-જિલ્લા પર સીએમ રાખશે નજર

સરકારના બધા વિભાગો-જિલ્લા કચેરી કમાન્ડ કંટ્રોલ વોલ ડેશ બોર્ડ સાથે જુલાઈના અંત સુધીમાં જોડાઈ જશે
By: admin   PUBLISHED: Wed, 13 Jun 2018 18:00:30 +0530 | UPDATED: Wed, 13 Jun 2018 18:00:30 +0530

સીએમઓથી થશે સીધુ મોનિટરીંગ

મુખ્યમંત્રી વિજય રુપાણીએ સીએમ ડેશ બોર્ડ દ્વારા સરકારના પબ્લિક ડિલિંગ વિભાગોનુ સીધુ મોનિટરીંગ સીએમઓથી થશે તેમ જણાવ્યુ હતું. રાજ્ય સરકારના બધા જ વિભાગો અને જિલ્લા કચેરીઓ સહિત સમગ્ર સરકાર કમાન્ડ કંટ્રોલ વોલ ડેશ બોર્ડ સાથે જુલાઈના અંત સુધીમાં જોડાઈ જશે. મુખ્યમંત્રી રુપાણીના નિવાસસ્થાને મીડિયા સમક્ષ આ ડેશ બોર્ડની કામગીરીનુ પ્રેઝન્ટેશન અપાયુ હતું.

રુપાણીએ જણાવ્યુ હતું કે, બધા જ જિલ્લા કલેક્ટરો ડીડીઓ એસપીને દર મહિને ૮થી ૧૦ મુદ્દાઓ ફોકસ પોઈન્ટ તરીકે આપીને એ અંગે એમના જિલ્લાની સ્થિતિની સમીક્ષા કરાશે. આવા ફોકસ એરીયામાં શ્રેષ્ઠ દેખાવ માટેની હેલ્ધી કોમ્પિટિશન થશે અને અધિકારીઓની ઓફિસિયન્સીનુ સતત મોનિટરીંગ પણ શક્ય બનશે. આના પરિણામે કાર્યદક્ષતા વધશે.

આ ડેશ બોર્ડમાં હાલ ૧૭૦૦ જેટલા પેરામીટર્સ અને ઈન્ડીકેટર્સનો સમાવેશ કરવામાં આવ્યો છે. તેના સંદર્ભમાં જિલ્લા તાલુકા વિવિધ વિભાગોની કામગીરીની સમીક્ષા તલસ્પર્શી રીતે હાથ ધરીને મુખ્યમંત્રી કાર્યાલયમાંથી કામગીરી અંગે સતત સૂચના અને દેખરેખ રખાય છે.

આ ડેશ બોર્ડ સરકારનુ ત્રીજુ નેત્ર બનીને પારદર્શિતાથી ટેકનોલોજીના ઉપયોગથી ગુડ ગવર્નન્સનો નવીન પ્રયોગ બન્યો છે. રુપાણીએ જણાવ્યુ કે, સર્વેલન્સ સિસ્ટમથી રાજ્યમાં કયા સ્થળે કઈ સ્થિતિ છે, તે પણ મુખ્યમંત્રી સ્તરે જાણી શકાય છે.

Post Your Comment

Your Comments

Online Poll

સુપ્રિમ કોર્ટના 4 જસ્ટીસએ મીડીયાને કરેલું સંબોધન ન્યાયીક પ્રણાલી માટે યોગ્ય છે?

Yes
No

Copyright © 2017 News of Gujarat | Design & Developed By Seawind Solution Pvt. Ltd.