આલોક નાથની મુશ્કેલીઓ વધી,વધુ એક એક્ટ્રેસે લગાવ્યો આરોપ,ફિલ્મ એસોસિએસન આપશે નોટિસ

આલોક નાથ પર એક્ટ્રેસ દીપીકા અમીને પણ આરોપો મુક્યા હતા.
By: Monika Vyas   PUBLISHED: Thu, 11 Oct 2018 11:50:23 +0530 | UPDATED: Thu, 11 Oct 2018 11:50:23 +0530


મુંબઇ

વિંતા નંદા દ્વારા રેપના આરોપ લગાવવામાં આવ્યા બાદથી અભિનેતા આલોક નાથની મુશ્કેલીઓ વધતી જ રહી છે. સીઆઈએનટીએએ (સિને એન્ડ ટીવી આર્ટિસ્ટ એસોસીએશન) બાદ હવે આઈએફટીડીએ (ઈન્ડિયન ફિલ્મ એન્ડ ટેલીવિઝન ડાયરેક્ટર એસોસીએશન) પણ તેને નોટિસ મોકલવાની તૈયારીમાં છે. આને લઈને આઈએફટીડીએના પ્રેસિડેન્ટ અશોક પંડિત મારફતે પ્રેસ કોન્ફરન્સ કરીને જાણકારી આપવામાં આવી. તેમણે જણાવ્યુ કે, સમગ્ર ફેડરેશન મીટુ મૂવેમેન્ટને સપોર્ટ  કરે છે. ફિલ્મ અને ટીવી ઈન્ડસ્ટ્રીમાં કામ કરી રહેલ મહિલાઓના યૌન શોષણના મામલાની જાણ થતા અમે દુઃખી છીએ. અમે આ દુઃખથી પીડાઈ રહેલ મહિલાઓને લઈ ચિંતિત છીએ. આ ઘટનાઓની અમે કડક શબ્દોમાં ટીકા કરીએ છીએ.

આલોક નાથ પર ટીવી સીરીયલની પ્રોડ્યુસર વિંતા નંદા સહિત એક્ટ્રેસ સંધ્યા મૃદુલ અને નવનીત નિશાને પણ જાતીય સતામણીનો આરોપ મુક્યો છે.તારા સીરીયલ સાથે જોડાયેલ નવનીત નિશાને પણ કહ્યું કે શૂટીંગ સમયે આલોક નાથે તેની સાથે ખુબ ખરાબ વ્યવહાર કર્યો હતો.એ સમયે આલોક નાથે દારૂ પીધો હતો અને તેને ખબર નહોતી કે તે શું કરી રહ્યાં છે.

આલોક નાથની બીજી કો-સ્ટાર દીપીકા અમીને પણ તેમના ખરાબ વર્તન વિશે ખુલીને જણાવ્યું હતું.દીપીકા અમીને કહ્યું કે આલોક નાથ દારૂ પીવાની ટેવ અને મહિલાઓને હેરાન કરવા માટે ઇન્ડસ્ટ્રીમાં કુખ્યાત છે.એક વર્ષ પહેલાં  ટેલીફિલ્મના શૂટીંગ દરમિયાન એ મારા રૂમમાં ધસી આવ્યા હતા અને સીન ઉભો કર્યો હતો.જો કે તે સમયે યુનિટના લોકોએ મને બચાવી હતી પણ મને યાદ છે કે તેઓ કેટલાં ભયાનક હતા.

Post Your Comment

Your Comments

Online Poll

સુપ્રિમ કોર્ટના 4 જસ્ટીસએ મીડીયાને કરેલું સંબોધન ન્યાયીક પ્રણાલી માટે યોગ્ય છે?

Yes
No

Copyright © 2017 News of Gujarat | Design & Developed By Seawind Solution Pvt. Ltd.